کرونا ویکسن حلال یا حرام؟ رضا اکیڈمی ممبئی کا عالمی ادارۂ صحت سے سوال

 

کرونا ویکسن میں سور کے گوشت کی آمیزش کی افواہ! رضااکیڈمی ممبئی نے عالمی ادارۂ صحت کے صدر کو مکتوب روانہ کر ویکسن کی تیاری میں استعمال ہونے والی اجزاء کی تفصیل طلب کی

کرونا ویکسن کے حلال یا حرام ہونے پر ابتداء سے ہی بحث جاری ہے، اب اس معاملے میں پیش رفت کرتے ہوئے ممبئی کے علمائے کرام نے عالمی ادارۂ صحت(WHO) سے ویکسن کی تیاری میں استعمال ہونے والے اجزاء کی تفصیل طلب کی ہے۔اا کے لئے مولانا معین الدین اشرفی کی ہدایت پر رضااکیڈمی نے عالمی ادارۂ صحت کے صدر کو مکتوب روانہ کیا ہے۔رضا اکیڈمی یہ جاننا چاہتی ہے کہ کرونا ویکسن بنانے کیلئے سور کی چربی تو استعمال نہیں کی گئی۔واضح رہے کہ گذشتہ ہفتے ممبئی کی بلال مسجد میں رضا اکیڈمی کے بینر تلے کرونا ویکسن سے متعلق 9 مسلم تنظیموں کی ایک مشترکہ میٹنگ کا انعقاد کیا گیا تھا۔اس میٹنگ میں کرونا ویکسن کی تیاری میں سور کا گوشت ملائے جانے سے متعلق سوشل میڈیا پر وائرل ہونے والی خبروں سے متعلق غور وفکر اور بحث کی گئی تھی۔