ایکناتھ شندے اور دیویندر فڑنویس آج وزیراعظم نریندر مودی سے ملاقات کریں گے

آج صبح صدر جمہوریہ رام ناتھ کووند، نائب صدر جمہوریہ ایم وینکیا نائیڈو، بی جے پی سربراہ جے پی نڈا اور وزیر دفاع راج ناتھ سنگھ سے بھی ملاقات متوقع

مہاراشٹر حکومت کی کابینہ اب تک تشکیل نہیں دی جاسکی ہے. ذرائع کے مطابق مہاراشٹر کے وزیر اعلی ایکناتھ شندے اور نائب وزیر اعلی دیویندر فڈنویس کل وزیر اعظم نریندر مودی سے ملاقات کریں گے. دونوں نے آج رات مرکزی وزیر داخلہ امت شاہ سے بھی ملاقات کی۔

یہ بھی پڑھیں:.... قاتلانہ حملے میں سابق جاپانی وزیراعظم شنزو آبے کی موت
ذرائع نے بتایا کہ مہاراشٹر کے وزیر اعلی اور نائب وزیر اعلی کل صبح صدر جمہوریہ رام ناتھ کووند، نائب صدر جمہوریہ ایم وینکیا نائیڈو، بی جے پی سربراہ جے پی نڈا اور وزیر دفاع راج ناتھ سنگھ سے بھی ملاقات کریں گے۔
قبل ازیں مہاراشٹر قانون ساز اسمبلی کے نو منتخب اسپیکر راہل نارویکر نے بھی جمعہ کو مرکزی وزیر داخلہ امت شاہ سے ملاقات کی۔ یہ دورہ وزیر اعلیٰ کے عہدے کا چارج سنبھالنے کے بعد شندے کا پہلا دورہ ہے۔ مہاراشٹر کی کابینہ کی دو مرحلوں میں توسیع کے ساتھ یہ میٹنگ اہم ہے کیونکہ مبینہ طور پر کابینہ کا پہلا اعلان صدارتی انتخابات سے پہلے کیا جائے گا۔
مہاراشٹر کے وزیر اعلی ایکناتھ شندے نے جمعرات کو نائب وزیر اعلی دیویندر فڑنویس کی موجودگی میں باضابطہ طور پر وزیر اعلی کے دفتر (سی ایم او) کا چارج سنبھال لیا ہے. شندے نے پیر کو مہاراشٹر قانون ساز اسمبلی میں ایوان کے دو روزہ خصوصی اجلاس کے آخری دن فلور ٹیسٹ میں کامیابی حاصل کی۔  288 رکنی ایوان میں 164 ارکان اسمبلی نے تحریک اعتماد کے حق میں ووٹ دیا جبکہ 99 نے اس کے خلاف ووٹ دیا۔تین قانون سازوں نے ووٹنگ میں حصہ نہیں لیا، جبکہ کانگریس کے اشوک چوان اور وجے ودیٹیوار اعتماد کے ووٹ کے دوران غیر حاضر رہنے والوں میں شامل تھے۔ادھو ٹھاکرے کے عہدہ چھوڑنے کے ایک دن بعد شندے نے 30 جون کو سی ایم کے طور پر حلف لیا تھا۔ بی جے پی کے دیویندر فڑنویس نے نائب وزیر اعلیٰ کے عہدے کا حلف لیا۔
بی جے پی کے راہول نارویکر اتوار کو مہاراشٹر اسمبلی کے خصوصی اجلاس کے پہلے دن اسپیکر منتخب ہوئے۔