بابا صدیقی کی افطار پارٹی میں بڑی شان سے آتے تھے، غم میں شامل ہونے کا وقت نہیں ملا؟

بابا صدیقی کے قتل پر ٹوئیٹ نہ کرنے اور جنازے میں شرکت نہ کرنے پر شاہ رخ خان سوشل میڈیا یوزرس کے نشانے پر

ممبئی: 13 اکتوبر کو ہوئی این سی پی لیڈر بابا صدیقی کی تدفین میں ہر کوئی شاہ رخ خان کی راہ دیکھ رہا تھا. لوگوں کو یہ امید تھی کہ بابا صدیقی کے قریبی دوست شاہ رخ خان انہیں خراج عقیدت پیش کرنے پہنچیں گے. لیکن کنگ خان وہاں نظر نہیں آئے.

یہ بھی پڑھیں:... سرفراز خان نے ٹیسٹ کرکٹ میں تاریخ رقم کردی

ابھی حال ہی میں شاہ رخ خان کو ان کی مینجر پوجا دادلانی کے گھر کے باہر دیکھا گیا. فلم اسٹار کی کار مکمل طور سے کور تھی مگر بتایا جارہا ہے کہ شاہ رخ خان اس میں موجود تھے. وہیں ان کے گارڈز ان کی حفاظت پر مامور تھے. سوشل میڈیا پر آئے اس ویڈیو کو دیکھ کر یوزرس نے اپنی ناراضگی کا اظہار کیا. ایک یوزر نے لکھا کہ بابا صدیقی کی افطار پارٹی میں بڑی شان سے جاتے تھے اور ان کی موت کے دن کہاں تھے شاہ رخ آپ؟؟؟؟

ایک یوزر نے لکھا کہ آپ نا تو بابا صدیقی کے گھر گئے اور نا ہی ان کگ جنازے میں، وقت نہیں ملا کیا؟؟؟؟ اس کے علاوہ متعدد یوزرس نے شاہ رخ کے بابا صدیقی کے جنازے میں نہ پہنچنے پر ان پر سخت تنقید کی ہے.

واضح رہے کہ شاہ رخ خان نے بابا صدیقی کے قتل معاملے پر کوئی ٹوئیٹ بھی نہیں کیا. میڈیا رپورٹس کے مطابق شاہ رخ خان سے بابا صدیقی کی دوستی اتنی ہی خاص تھی جتنی سلمان خان سے تھی. ایسے میں جب بابا صدیقی کا قتل ہوا تو ہر کسی کو امید تھی کہ سلمان خان کے ساتھ ساتھ شاہ رخ خان بھی وہاں پہنچیں گے. سلمان خان نے بابا صدیقی کے گھر پہنچ کر ان کا آخری دیدار کیا لیکن وہاں بھی شاہ رخ خان نظر نہیں آئے اور نہ ہی انہوں نے اس معاملے پر ٹوئیٹ کیا.