خراب موسم کے سبب رخ تبدیل کیا گیا، ایمرجنسی لینڈنگ کے وقت طیارہ تباہ
آذربائیجان کے شہر باکو سے روس کے گروزنی جانے والا ایک مسافر بردار طیارہ ایمبریر 190 ایمرجنسی لینڈنگ کے دوران حادثہ کا شکار ہوگیا. طیارہ میں کل 67 افراد سوار تھے جن میں سے 38 افراد ہلاک ہوگئے جبکہ
29 افراد زندہ بچ گئے.
یہ بھی پڑھیں:... "جہاں نہیں چینا، وہاں نہیں رہنا" کابینہ میں جگہ نہ ملنے پر بھجبل ناراض
روسی خبر رساں ایجنسی انٹرفیکس کی رپورٹ کے مطابق قزاقستان کے نائب وزیر اعظم نے ہلاکتوں کی تصدیق کی ہے. قزاقستان کے شہر اکتاؤ کے 3 کلو میٹر کی دوری پر جب طیارہ نے اپنا رخ تبدیل کیا اور ایمرجنسی لینڈنگ کی کوشش کے دوران طیارہ حادثہ کا شکار ہوگیا.
آذربائیجان کے صدر نے کہا کہ مجھے جو اطلاع دی گئی اس کے مطابق بکاؤ اور گروزنی کے درمیان موسم خراب ہونے کے سبب طیارہ نے اپنا رخ اکتاؤ کی جانب کیا جہاں لینڈنگ کے دوران طیارہ کریش ہوگیا. روسی ایوی ایشن واچ ڈاگ کی رپورٹ کے مطابق اگرچہ حادثہ کی اصل وجہ کا اب تک پتہ نہیں چل سکا ہے تاہم ابتدائی معلومات سے پتہ چلتا ہے کہ پرندوں کے ٹکرانے کے سبب طیارہ کا رخ اکتاؤ کی سمت موڑ دیا گیا تھا.
Post A Comment:
0 comments: